Categoria:Informatica

Un article de Tot en òc.

Per qu'una lenga siá vertadierament viva, cal que siá presenta dins totes los aspèctes de la vida. Uèi, l'informatica es una partida importanta de la vida doncas me semblava interessant que !!siaguèsse en occitan tanben. A l'escòla, me semblava tanben pecat que las TICE foguèsson pas possiblas en occitan dins l'ensenhament bilingüe. I aguèron d'unes ensages mas, que ieu sepa, cap anèt pro luènh.
Me decidiguèri doncas a començar a revirar Ubuntu, puèi GNOME, ara KDE e d'autres espleches. Uèi, lo trabalh es triple :
- far => revirar, crear d'espleches,
- far far => coordinar (balhar d'idèas e ajudar),
- far la tièra dels espleches ja revirats.

[modificar] Utilizar

Totes los articles relacionats a l'informatica en occitan son çai-sos.

[modificar] Ajudar

[modificar] Traduire

Se pòdon revirar de programas (OpenOffice, Notepad++, Firefox, Thunderbird, etc.), de sistèmas d'explotacion (Ubuntu per exemple), d'environaments de burèu (d'interfaces grafics coma GNOME, KDE, etc.), d'escriptes (fòrom PhpBB), etc. Segon la mena de revirada, lo biais de far es diferent (fichièrs po, fichièrs de tèxt, etc.). Ma tòca es pas de vos far una guida de cada biais de far (pel moment al mens) ; se vos volètz botar a revirar quicòm, demandatz e vos explicarai.

[modificar] Desvolopar

Coneissètz pas pro l'occitan per revirar mas avètz de competéncias tecnicas (desvolopament, programacion, etc.), nos podètz tanben ajudar : clavièr en occitan, conjugaire, etc. Los que sabon far de grafisme pòdon aver de trabalh se vòlon :-)

[modificar] Balhar d'idèas

Vos sembla que seriá interessant d'aver un logiciel en particulièr revirat ? Mancariá un esplech per que l'occitan siaguèsse plan integrat a vòstre ordenador ? Explicatz-nos aquò sul fòrom.

[modificar] Criticar

Que l'idèa o la realizacion vos convenga o non, m'interessa totjorn de saupre çò que pensatz de çò que fau. Vos cal doncas pas esitar a m'enviar un pichòt messatge... (siá sul [1], siá per corrièl).